DIT WAOR T DAN...
zondig 09-01-2011
Unne hielen dikke proficiat aon preens Noël I, jeugpreens Jarne I en jeugprinses Shania I, zie höbbe gistere Eddy, Steyn en Chelsey aafgelos, en goon ongetwiefeld un hiel sjuun jaor tégemoot...

Mer dees preensekeezing hèlt dus auch ien tot heij de lètste foto's zien versjeene.  Nogmaals allemaol bedank veur de jaorelange steun...

Tot ein van dees,
                                                   Luc


AON ALLES KUMP UN EIND
maondig 03-01-2011
Ten ierste wil iech uch allemaol un schitterend jaor 2011 towwinse.

Ten twiede kump now de melding dat iech vanaaf kommende zondig un eind gaon make aon deze saaijt.  Ut weurt auch gein einde met un groet fies of dergelijke, gewoen boem, baaf, gedoon.

Maog iech auch eederein bedaanke wat al die jaore mich metgeholpe en gesteund höbbe um dees saaijt oet te bowwe tot hetgeen wat t gewore ès, geer zeet geweldig...

Auch aon alle luij die wat zich ien die 7 jaore de meuijte höbbe genome um steeds wir opnuij de saaijt te bezeuke, unne hiele dikke merci.


Kommende zaoterdig gaon iech dus de lètste foto's trekke beij t aaftreije van gooije kameraod preens Eddy den twiede.  Denao zal de saaijt nog onlaaijn blieve tot nao de carnaval, zoedat ger nog eve den tied höb um de kalender te raadplege, mer ien maart gaet heij dus alles off-line.

Ien de toekoms kint ger nog altied terech bij de collega's 4party en nestor Nol, dao zult ger auch terech kinnen veur uch eveneminte en fieskes.  Iech wil hun dan auch nog völ succes towweense met hun projecte.

Iech höb gezag, :)

Luc